بهائي نيوز – البهائيه هي ديانه توحيديه, دعا ليها ميرزا حسين على النورى الملقب باسم بهاء الله, و احتراما و تبجيلا لمقامه, بيطلق البهائيين عليه حضرة بهاء الله, اتسميت دعوته باسم البابيه و فيها وضح تفاصيل انتهاء دعوته بقدوم حضره بهاء الله. اعلن حضرة بهاء الله دعوته سرا فى ايران فى سنة 1853, و علنا فى حديقة الرضوان ببغداد فى سنة 1863.
البهائيه فى مصر
تاريخ البهائيه فى مصر بيبتدى من سنة 1868 لما كان حضرة بهاء الله فى طريقه للمنفى فى عكا و رست السفينه اللى كان فيها فى مينا الاسكندريه, و من الوقت دا و ابتدى المصريين فى الايمان بالبهائيه. و فى سبتمبر سنة 1910, زار عباس افندى الملقب بحضرة عبد البهاء (الابن الارشد لحضره بهاء الله) – مدينة بور سعيد و هوا فى طريقه لاوروبا, و قعد فيها حوالى شهر, و بسبب مرضه اجل رحلته لاوروبا و راح على الاسكندريه و قعد فيها سنه. و رجع عبد البهاء لمصر فى ديسمبر سنة 1911 و قعد فيها فصل الشتا و بعدين راح على مدينة نيو يورك فى امريكا فى مارس 1912. و بعد رحلته لاوربا, وصل حضرة عبد البهاء مدينه بورسعيد فى يونيه سنة 1913 و منها راح على الاسكندريه و قعد فى حى الرمله لغاية ديسمبر سنة 1913.
عدد البهائيين فى مصر مش معروف لان لاتوجد تقديرات رسميه من الدوله باعداد البهائيين لانها مش معترفه بالدين البهائى رغم صدور حكم محكمه ببا الشرعيه للاستئناف سنة 1925 واللى قالت فيه ان البهائيه دين مستقل بذاته. فمصر كانت اول دوله بتعلن استقلال الدين البهائى قانونيا بحكم قضائى من المحكمه فى 10 مايو سنة 1925. فى الحكم القضائى دا, اعلن القاضى ان البهائيه عقيده يعنى دين قائم بذاته و مستقل عن الدين الاسلامى زيه زى استقلال الدين الاسلامى عن الدين المسيحى, و زيه زى استقلال الدين المسيحى عن الدين اليهودى. و فى اعلان منطوق الحكم الرسمى قال بالنص: “ان البهائيه دين جديد قائم بذاته ليه عقائد و اصول و احكام خاصه تغاير و تناقض عقائد و اصول و احكام الدين الاسلامى تناقضا تاما, فلا يقال للبهائى مسلم و لا العكس, كما لا يقال للبوذى او البرهمى او المسيحى مسلم و لا العكس”.
و فى نفس الفتره تقريبا, تم تاسيس المحفل الروحانى المحلى للبهائيين فى الاسكندريه سنة 1924, و تم تشكيل المحفل الروحانى المركزى لمصر و السودان فى سنة 1928, و الحكومه اعترفت بالمحافل دى رسميا فى سنة 1934. فمن الناحيه القانونيه, كان للبهائيين الحق فى تاسيس مراكز و محافل ليهم
لغاية ما صدر قرار جمهورى رقم 263 سنة 1960 بحل و اغلاق كل المحافل و المراكز البهائيه. القرارا دا طلع بعد ما فيه ناس رفعو قضيه اتهمو فيها البهائيين بنشر البهائيه فى مصر. بعد كدا, مر البهائيين بفتره صعبه و عصيبه لما تم القبض عليهم و اعتقالهم اكتر من مره فى الستينيات و السبعينيات و التمانينيات, و كمان عانو من عدم استخراج بطاقات شخصيه, و فضلو على كدا لغايه ما حصلو على حكم محكمه فى سنة 2009 بان يطلع لهم فى البطاقه علامه شرطه (-) فى خانة الدين.
اعياد البهائيين
عيد الرضوان (اعلان دعوه بهاء الله) من 21 ابريل – 2 مايو سنة 1863.
عيد النيروز (راس السنه البهائيه) فى 21 مارس.
عيد بعثه الباب فى 23 مايو سنة 1844
مولد بهاءالله فى 12 نوفمبر سنة 1817
مولد الباب فى 20 اكتوبر سنة 1819
صعود بهاء الله فى 29 مايو 1892.
استشهاد الباب فى 9 يوليه سنة 1850
صعود عبدالبهاء فى 28 نوفمبر سنة 1921.
شهر الصيام 19 يوما من اول العلاء (2مارس) الى يوم 19 مارس و بيوافق عيد النوروز اللى بيحتفل بيه مباشره بعد ختام الصيام.
اشهر البهائيين المصريين
حسين بيكار
أمين بطاح
نبيل محمد مصطفى……المزيد
.
موضوعات يشاهدها الاخرين الان:
القرآن يشير بوضوح لرسالة بهاء الله
مؤتمر جمعية الدراسات البهائية (ABS)
طريقة ومناسك الحج فى الدين البهائى
هام حول نظرة المسلمين للبهائية
المهدي المنتظر ورب الجنود والأب السماوي وعودة المسيح
.
البهائية في مصر,كم عدد البهائيين في مصر؟,كيف يتزوج البهائيين؟,هل يجوز زواج المسلم من البهائية؟,كيف تكون صلاه البهائيين؟,اعياد البهائيين,عيد الرضوان,اعلان دعوه بهاء الله,عيد النيروز,راس السنه البهائيه,عيد بعثه الباب,مولد بهاءالله ,مولد الباب ,صعود بهاء الله ,استشهاد الباب ,
شهر الصيام ,اشهر البهائيين المصريين, حسين بيكار, نبيل محمد مصطفى, البهائية عند الشيعة,صلاة البهائيين,قرآن البهائية,هل البهائيين كفار,صيام البهائيين,البهائية والزواج,الحج في البهائية
[…] البهائية في مصر – أشهر البهائيين المصريين […]
[…] البهائية في مصر – أشهر البهائيين المصريين […]
[…] البهائية في مصر – أشهر البهائيين المصريين […]